خايفة ألتزم

خايفة ألتزم

بسم الله الرحمن الرحيم ، وبه نستعين ، وصلى اللهم على خير الذاكرين والشاكرين محمدا وعلى أله وصحبه وسلم ، أما بعد
قال الله تعالى
((إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ ))فصلت30

فربنا تعالى بشر عباده الذين رضوا به ربا وأمنوا به ، وأستقاموا على تعاليمه ، بشرهم بالجنه وحسن المئاب ، يعنى المفروض منكنش مؤمنين بالاسم، فاللهم أرزقنا الالتزام وأجعلنا من عبادك الملتزمين يارب العالمين.
وكتير مننا ، بفضل الله وعونه ، سمع عن ربنا ، وأتعرف على كرمه وعدله ولطفه بعباده ، وكمان عقابه وعذابه ، وقلوب كتير مننا متأثرة بالدين، ونفسها تلتزم بتعاليم ربنا وبمنهجه ، بس المشكلة فى ...خايف ألتزم..ودى كلمة فى لسان كتير مننا ، مع أختلاف الاسباب من شخص لأخر.

تعالوا نفتح قلوبنا لبعض ، ونقطع الاتصال بالدنيا ، حتى نساعد بعض للوصول بإذن الله تعالى إلى بر الامان ، فى هذا المشهد الجميل ، اللهم لا تحرمنا أن نكون بينهم...
قال تعالى
((يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ ))الحديد12
.................................................. ........................................
ونبدأ بسم الله...بالاسباب المختلفه ، اللهم أرزقنا التوفيق والسداد
...........
خايفة ألتزم لحسن أكون مش قدها و أرجع تانى وأكون فتنة لغيرى...طيب أنت عرفت منين إنك هترجعى تانى ، يترى بتعلمى الغيب؟؟
وبعدين فين ثقتك فى ربنا وتوكلك عليه ، فأنت عليكِ البدايه وعليه هو التمام،
وبعدين ربنا قالنا إن اللى هيتعب شويه ويجاهد شهواته ، هيحس فى الاول بالتعب وبالمجاهده ، وبعدين لما ربنا يشوف مدى إخلاصه وصدقه ، هيسرله كل الطرق إليه.
.قال تعالى
((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ))
العنكبوت:69

ياااااااه ، يالله ، قد أيه أنت كريم ، بتهدينا وتيسرلنا وكمان بتجازينا على أعمال ، جلالك وحده هو اللى يسرلنا ذلك..اللهم لك الحمد والشكر
وبعدين لو بتقولى إنك مش قدها ، طيب أمتى هتبقى قدها؟ واللى ألتزموا دول أحسن منك فى إيه؟؟؟
أنت مش نفسك يحبك ربنا ، أصل ربنا بيعطى الفلوس والعربيات والمناصب وغيرهم لمن يحب ومن لا يحب ، ولكن يعطى الهدايه لمن يحب فقط.
اللهم أجعلنا ممن تحب وأهدنا لما تحب وأجعلنا من عبادك الصالحين.

أثبتى وأحسنى الظن فالله ، فاللى مع ربنا ، ربنا مش ممكن يسيبه ، يسيبك إزاى وهو معاك فى كل حته ،
قال تعالى ((وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصِيرٌ))
.
وكل ما توسوس لك نفسك أو حد من أصحابك ويقلولك كلها يومين وترجع ، قول كما قال موسى عليه السلام
قال تعالى
62الشعراء((((قَالَ كَلَّا إِنَّ مَعِيَ رَبِّي سَيَهْدِينِ
.................................................. ................
سبب تانى ..بس صلى على النبى الاول...أنا خايف ألتزم لحسن أصحابى يتريقوا عليا ويعدوا دايما يفكرونى بالذى مضى، هقولك أنتى بتلتزم علشان خاطر ربنا ، مش عشان أصحابك ، وفين بقى ثقتك فى نفسك وأعتزازك بدينك ، لأن أصحابك اللى بيتريقوا دول مش بيعملوا حاجه صعبه ، أى حد يكلمشباب ويعمل كل الذنوب ، وكتير قبلهم عمل اللى بيعملوه ، يعنى هما مش بيخترعوا الذره ، لأن الشيطان بيساعدهم على كده ، لكن الهدايه دى والله شرف وعزة وكرم ليك من ربنا ، وأعرف إن أصحابك كلهم نفسهم يبقوا كويسين بس مش عارفين ومش عايزين مؤقتا ، وعلشان يرضوا ضميرهم يعدوا يتريقوا عليك ، علشان يحسسوا نفسهم إنهم اللى صح وانتى اللى غلط ، وهما واثقين إنهم هما اللى غلط ، وبعدين كلها فترة وهتلاقيهم هما اللى بيقلولك متسبناش وخدينا فى طريقك ، وحطى العبارة دى فى دماغك
الملتزم فى مجتمعه شعاع نور إن لم يستطع الشيطان إطفائه سلط عليه أصحابه.
خليكى فتاة وعندك شخصيه وتكونى أنتى القائدة للخير ، ماحنا ياما كنا قواد فى الغلط ،
اللهم أغفر لنا وأرحمنا ، وخلى شعارك كما قال شيخنا محمد حسن يعقوب ، بارك الله فيه وفى اهله ، أثر ولا تتأثر.
.......
سبب غيره...بس برده صلى على النبى...أنا خايفة ألتزم لحسن تحصلى مشاكل وكده ، فأحب أوصل إن فكرة الملتزمين إنهم جماعات وأرهاب ، الفكره دى بفضل الله تكاد أن تكون أنتهت ، وأنت مدام ماشية صح ، عمر ماهيصلك حاجه، وأعرفى ان النافع والضار هو الله ، مش الناس ، صديقنى ممكن كتير من الناس أول ما تفكر إنكى تلتزمى يفضلوا ينصحوك إن كده غلط ويخوفوك ، فأعرفى إن الناس دى مسلطهم الشيطان عليكى ، وبقوا فى اللحظة دى من شياطين الانس، لأنك ممكن وأنتى مش ملتزمة ، تحصلك مشاكل كبيرة ومصايب ، أو ممكن تكونى فى مكان ما ، وأنت فى معصيه ، ويشاء الله أن يكشف ستره ، ويتقبض عليكى ، وساعتها هتكون مصيبه وفضيحه كمان ، يعنى مش الالتزام هو اللى هيجبلك مشاكل ، وكل شىء مكتوب ، وقدرك هتشوفيه هتشوفيه ،
كما قال صلى الله عليه وسلم ((لا يؤمن عبد حتى يؤمن بالقدر خيره وشره ، حتى يعلم أن ما أصابه لم يكن ليخطئه ، وأن ما أخطأه لم يكن ليصيبه))
صدق رسول الله صلى الله عليه وسلم.
وعايزاكى تسمع الايات دى وتحطيها حلقه فى ودانك، وأستشعر كل كلمه فيها.
قال تعالى:
((الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ*فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ*إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلا تَخَافُوهُمْ وَخَافُونِ إِنْ كُنْتُمْ مُؤْمِنِينَ))آل عمران:
173-175

فلو هتخافى ، يبقى تخافى من ربنا وبس ، هو الملك ، هو اللى بإيده ينتقم من أى أحد، هو المعذ وهو المذل ، هو الذى أمره بين الكاف والنون ، فإذا قال كن فيكون ، فمن وجد الله فماذا فقد ومن فقد الله فماذا وجد؟؟؟
........
سبب أخر...صلى على النبى أولا...أنا خايفة ألتزم علشان حاسة إن حياة الدين دى خنئه ، هقولك ربنا أتكلم عنك وعن كلمة خنئه ، اللى أنت بتقولها ، ومثلك بالذى يصعد الى السماء ، فكل ما يصد يقل التنفس ، فيحس بالخنئه.
حقيقة علميه (كلما ارتفع الإنسان في السماء انخفض الضغط الجوي وقلّت كمية الأكسجين مما يتسبب في حدوث ضيق في الصدر وصعوبة في التنفس)
فلو كنت شغلتى عقلك وقولتى لأ أكيد اللى هيبقى مع الملك ، مالك القلوب ، واللى وحده قادر ان يشعرها بالسعاده ، فكان هيشرح صدرك
قال تعالى
((فَمَنْ يُرِدِ اللَّهُ أَنْ يَهدِيَهُ يَشْرَحْ صَدْرَهُ لِلإِسْلامِ وَمَنْ يُرِدْ أَنْ يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا يَصَّعَّدُ فِي السَّمَاءِ))الأنعام: 125
.............
شغلى عقلك وأحسيبها صح ، فربنا قالك إن النساء والمال والدنيا مزينه فى قلبك ، وقلك برده ان اللى عنده أحسن وخير وأبقى.
قال تعالى
((زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ ))آل عمران14

أحسبيها صح وشوف انت عايزة ايه....أحسبيها صح وأعرفى نهاية طريقك أيه
أحسبيها صح وأعرفى إنك محتاجة إليه....وهيجى يوم وتقفى بين إيديه
ويسألك عن كل حاجه عملتيها...عن كل أيه سمعتيها وبدلتها

دى الحياه لعبه لعبها كتير غيرك...أنتهى دورهم وهه جه دورك
جنه ونار وليك الان الاختيار...متقولش بكرة ممكن تموت اخر النهار
إن وفقت فى كتابتى ، فما توفيقى إلا بالله عليه توكلت وإليه أنيب ، وإن كان هناك خطأ فإنه منى ومن الشيطان ،
اللهم أرزقنا الاخلاص فى القول والفعل والعمل ، اللهم إنى لا حول لى ولا قوة إلا بك فأجعلنى لك وبك وإليك
اللهم إنى أسألك حبك وحب من أحبك وحب عملا يقربنى لحبك وأجعل حبك أحب إلى من أهلى ونفسى ومالى
إنشريها جعلها الله فى ميزان حسناتك فالدال على الخير كفاعله
وصلى اللهم على محمد وعلى أله وصحبه وسلم ،
وأخر دعوانا أن الحمد لله رب العالمين
للفائدة

شكرااااااااا

مشكورهـ يافجورهـ <<صرت شاعرهـ..
نفس الوزن.<<خخخخخخخخخخخخخخخخخخخخخهـ

بآآآآرك الله فيكي وعآآفآآكي صديقتي